Në kilometrin e 360-të të rrugës magjistrale që prej Beogradit kalon nëpër Maqedoni dhe Greqi, në pjesën më jugore të Serbisë, gjendet qyteti i Bujanocit i cili është qendër administrative – komunale, arsimore, shëndetësore, ekonomike dhe kulturore. Për nga aspekti territorial i takon Qarkut të Pçinjës. Lartësia mesatare e qytetit të Bujanocit është 400 m. Rrjedhat ujore të bujanocit janë: Moravica, Morava jugore, Pçinja, lumi i Tërnocit, lumi i Kërshevicës dhe lumi i Breznicës.

Qyteti i Bujanocit gjendet në mesin e drejtimeve të ndryshme të komunikacionit rrugor, si atij magjistral, po ashtu edhe të atij hekurudhorë në korridorin ndërkombëtar E-10, Beograd – Shkup-Selanik – Athinë. Pozitës së volitshme të kësaj komune i kontribuon edhe afërsia e tre aeroporteve ndërkombëtare: Nishi 136 km, Shkupi 70 km dhe Prishtina 105 kilometra, si dhe afërsia e vendkalimit kufitar me Maqedoninë, Çukarka, i cili gjendet në distancë 23 kilometra.

Opština	Centar	Šetalište

Sipas regjistrimit të vitit 2002 në qytet jetojnë 12.011 banorë, ndërsa nëpër fshatëra jetojnë 31.291 banorë me përbërje të ndryshme nacionale. Në botën e jashtme janë 10.183 banorë, gjë që numrin e përgjithshëm të banorëve e ngrit në 53.485.